थारुको प्राचिन इतिहास मेटाउन खोजिए सह्य नहुने : थारु अगुवा (फोटो फिचर सहित)

उदयपुर । थारुको पहिचान सहितको प्राचिन इतिहास मेटाउन खोजिए सह्य नहुने थारु अगुवाहरुले बताएका छन् । शनिबार उदयपुरको चौदण्डीगढी नगरपालिका ९ स्थित जन विकास माध्यमिक विद्यालय भिमामा थारु पहिचान विषयक विचार गोष्ठी कार्यक्रममा थारु अगुवाहरुले यस्तो बताएका हुन् ।
उदयपुर थारु जागरण समाज काठमाडौंको आयोजनामा भएको विचार गोष्ठीमा थारुको साँस्कृतिक, सामाजिक, राजनीतिक पहिचान तथा भाषा मेटाउन खोजिए सह्य नहुने थारु वुद्धिजीविहरुले बताए । उदयपुरको त्रियुगा क्षेत्र थारुको बसोबास क्षेत्र हो । यस क्षेत्रमा सवैभन्दा पहिले थारुहरुको बसोबास रहेका थिए । थारुहरु औंलोको कुनै प्रवाह नगरी आफ्नो थाकथलो कहि कत्तै छोडेर अएका थिए । उदयपुरमा थारुहरु आदिम कालदेखि बसोबास गर्दै आएकोले थारुको इतिहास, पहिचान मेटाउन खोजे हामीहरुलई सह्य नहुने वक्ताहरुले बताए ।
त्रियुगा बेल्टलाई आज खसआर्यहरुले तिन भिन्ना भिन्दै नगरपालिका बाँडदिएकोले अहिले थारु अल्पमतमा परेको प्रति पनि थारुहरु असन्तुष्ट देखिएका थिए । थारुको आफ्नै पहिचान छ, कला, संस्कृति, धर्म, रितीरिवाज र भाषालाई मधेशीकरणको संज्ञा दिए सह्य नहुने थारु अगुवाहरुले बताए । थारु आफ्नो थाकथलो र राजनीतिक अधिकारको लागि जस्तो सुकै आन्दोलन गर्न पछि नपर्ने बताए । वक्ताहरुले त्रियुगा बेल्ट थारुहरुको थाकथलो रहेकोले यस भूगोलमा थारुको अधिकार सुनिश्चित हुनु पर्ने बताए । नेपालमा थारुहरु आदिम कालदेखि आएकोले यस जातिको आफ्नै पहिचान रहेको बताए । आज भन्दा २५ सय वर्ष पहिलेदेखि नै नेपालमा थारुको बसोबास रहेको थियो । बुद्ध पनि थारुको सन्तान भएकोले नेपालमा थारु जातिको इतिहास कति पुरानो छ यसबाट प्रष्ट हुन्छ ।

थारु अगुवाहरुले थारु आयोग आफैमा शक्तिशाली रहेपनि यसलाई संचालन गर्ने राज्यशक्तिले कुण्ठित पारेको बताए । थारु अगुवाहरुले लोक सेवा आयोगमा थारु कोटा छुट्टै वा पूर्ण समानुपातिक प्रणालीको ग्यारेन्टी गर्न दवाव दिनु पर्ने बताए ।
थारुहरु समय सन्दर्भ चल्न नसकेकोले पनि थारुहरु पछि पर्दै गएको थारु अगुवाहरुले बताए । समय २१ औं शताब्दीमा पुगेपनि थारु समुदाय अझैपनि रुढीबादी परम्पराबाट माथि उठ्न नसकेकोले पछि पर्दै गएको छ । थारु बुद्धिजीविहरुले अहिलेको टडकारो विषय भनेको ग्रामिण क्षेत्रका थारु समुदायका बालबालिकाहरु शिक्षामा कमजोर हुँदै गएकोले थारु विद्यार्थीहरु माध्यमिक तह भन्दामाथि उठ्न नसकेकोले प्रति चिन्ता व्यक्त गरेका थिए ।
यस्तै विचार गोष्ठीमा आपन पहिचान नामक पुस्तकको दोस्रो संस्करणको विमोचन प्रमुख अतिथि त्रियुगा नगरपालिकाका मेयर बलदेव चौधरी, विषेश अतिथिद्वय त्रियुगा नगरपालिकाका उपमेयर देवी कुमारी चौधरी र चौदण्डीगढी नगरपालिकाका उपमेयर रिता चौधरीले संयुक्त रुपमा गरेका थिए । यस्तै असोजमा बेलका नगरपालिकाको रंगमहलमा भएको ट्याक्टर दुर्घटनामा ज्यान गुमाएका र घाइते थारु बालबालिकाको उपचारको लागि समाजले ११ हजार आर्थिक सहयोग प्रदान गरेका थिए ।
स्थानीय तहका थारु जन निर्वाचित प्रतिनिधिहरुको साथै थारु समाज सेवी, बुद्धीजीवि, राजनीतिक दलका प्रतिनिधि, थारु कल्याणकारिणी सभाका केन्द्रिय तथा जिल्ला पदाधिकारीहरुको समेत उपस्थित रहेको थियो । कार्यक्रमको अध्यक्षता समाजका अध्यक्ष रमानन्द चौधरीले गरेका थिए भने संचालन सचिव अनुज कुमार चौधरीले गरेका थिए । समाज गठनको उद्देश्यबारे सल्लाहकार तथा अष्टाङ्ग आयुर्वेद हस्पिटल एण्ड रिसर्च सेन्टर प्रा.लि. संचालन हृदय नारायण चौधरीले गरेका थिए ।
कार्यक्रमको प्रायोजन तथा व्यवस्थापन अष्टाङ्ग आयुर्वेद हस्पिटल एण्ड रिसर्च सेन्टर प्रा.लि. कलंकीले गरेको थियो । यस आयुर्वेद हस्पिटलको अन्य शाखाहरु काठमाडौंको कोटेश्वर, सुनसरीको इटहरी र भरतपुर चितवन समेत रहेको छ ।

https://www.facebook.com/photo.php?fbid=336098393951430&set=pcb.336099627284640&type=3&__tn__=HH-R&eid=ARDsT8dZJKtBPLgNoh6D5OjVK_kzz7q_TJKv2G5BdBqfKGJtgRH-2oBfxJlP_IJN1x50Femv6zvJwC7Q

https://www.facebook.com/photo.php?fbid=336098853951384&set=pcb.336099627284640&type=3&__tn__=HH-R&eid=ARB0XHsPAGdBxBznICFv7RGb-3sST7clk_oO-szCkVdKdGE_AS03g6tNOVsMXmmr8p901w39q641sX8R

https://www.facebook.com/photo.php?fbid=336099047284698&set=pcb.336099627284640&type=3&__tn__=HH-R&eid=ARB-bVZ4q2ot-NE9SfyqbkVTvp4E3Iq4BmzZs1j5Oz164GMD3YE6YJS6ITxKRNbfSdr_dydhURa79UBc

https://www.facebook.com/photo.php?fbid=336098177284785&set=pcb.336099627284640&type=3&__tn__=HH-R&eid=ARDgOl4Z7VTqGGA_k6JomKJQSR6nzrr13HUGDqL4aEPvyKk2Z8FCBreiA39dXC7B5IX1oO95kOwhNMp_

https://www.facebook.com/photo.php?fbid=336098197284783&set=pcb.336099627284640&type=3&__tn__=HH-R&eid=ARDc9Fy_XhJ5EmIUq6jkuBPSs26k5zXqh0–UbS0z-a_JphDv1hhW-_mDB56Tg2D9NSmNTBnBWjKrsTX

https://www.facebook.com/photo.php?fbid=336098593951410&set=pcb.336099627284640&type=3&av=100026538161072&eav=AfbRsIOxnqGRT47IscPNEw-wK281HpVGh9oOjIxN2t_Aq_uwpjJi05wo6jZzuM4RPoo&__tn__=HH-R-R&eid=ARASCZr2QqkmmsIdXj0kRhxQDi-6EHD9aolHwwdkQ3gnA5Veu-q6KsmZHSrX67ZIGfKlHPNt6fOapQ5q

https://www.facebook.com/photo.php?fbid=336099507284652&set=pcb.336099627284640&type=3&av=100026538161072&eav=AfbvPmQ_Kmpub4jdt5c9wOuRs69s5xdSbVJuafGcN0QuT4PqDwB4TkJWwKb5uIYJ57Y&__tn__=HH-R-R&eid=ARC_gpTAaAPBWl-HYM9LtRAAmzCtfjr_QXAUUaOCjcPthAUpHwQQ3IjNgdFqjd1pJmoGJoLs5B77r9bx

https://www.facebook.com/photo.php?fbid=336098993951370&set=pcb.336099627284640&type=3&av=100026538161072&eav=AfavOs5wzD893Ut-__I3sUTP43Pgis6WaUst_6Egz0V7_zbxvr4qGQ_4cWSJbUcKeaw&__tn__=HH-R-R&eid=ARBnuGj_FFxo0epnDbCs7CX22FBoAV3RdtavZxYt2QyMPhUGxBZVR9_hMT3xXAaSZ_7E_-_UdgFXKn2y

https://www.facebook.com/photo.php?fbid=336098403951429&set=pcb.336099627284640&type=3&av=100026538161072&eav=AfaBwlG0XJbrHvL9lb7st-eUSUJXzGJJe_QmdLPjwbiGozgQOOf3SMJk-jKYPdcOh6c&__tn__=HH-R-R&eid=ARAxjyEObRuoJ56x0sacCvRULkUmRx-r0UstSEdjLPUn7nKudafQPlIr9AqDdkF6XUvHdTglCp7hqgi2