शान्तिधाममा बृक्षारोपण (फोटो फिचरसहित)

उदयपुर । विश्व वातावरण दिवसको अवसरमा उदयपुरमा विभिन्न प्रजातिका १ सय २६ वटा बोटविरुवा रोपिएको छ । ‘स्वच्छ वायु, स्वास्थ जीवन’ भन्ने मुलनाराका साथ डिभिजन वन कार्यालयको आयोजनामा सदरमुकाम गाईघाटस्थित शान्तिधाममा बृक्षारोपण गरिएको हो ।
त्रियुगा नदी किनारामा झण्डै एक विघा क्षेत्रफल ओगटेको शान्तिधाममा जिल्ला समन्वय समितिका प्रमुख खड्गबहादुर परियारले लिच्चिको बोट रोपेर उद्घाटन गरेका थिए । कार्यक्रममा सहभागिहरुले लिच्चि, आँप, कटहर, अमला, मसला, बाँस, टिक, खयर लगायतका विभिन्न प्रजातिका गरी १ सय २६ विरुवा रोपिएको थियो ।
कार्यक्रममा बोल्दै प्रमुख परियारले विरुवा रोप्नु भन्दा पनि त्यसको संरक्षणमा मुख्य ध्यान दिनु पर्ने बताए । उनले रोपिएका विउँको संरक्षण र सम्र्बद्धनका लागि आयोजकलाई ध्यान दिन आग्रह गरे । उनले बृक्षारोपणले उजाड क्षेत्र र लोपन्मुख बिरुवाको संरक्षण र संवद्र्धनकासाथै हरियालीमा परिणत हुने हुँदा स्थानीयमा अपनत्व हुनु पर्नेमा जोड दिए ।
वातावरणिय हिसावले संम्बेदनशिल र विगतको डम्पिङ्ग साइडको रुपमा प्रयोग हुँदै आएको शान्तिधामलाई डिभिजन वन कार्यालयको आर्थिक सहयोगमा हरियाली प्रर्वद्धन कार्यक्रम शूरुवात गर्ने समेत सो अवसरमा घोषणा गरियो । कार्यक्रममा जिसस उपप्रमुख गंगा राई, त्रियुगा नगरपालिकाका उपप्रमुख देविकुमारी चौधरी, प्रमुख जिल्ला अधिकारी बिष्णुकुमार कार्की लगायतले बोलेका थिए ।