उदयपुरमा आगलागीबाट ४ लाख बराबरको क्षति, गाउँपालिकाबाट राहत वितरण (फोटो फिचर)

उदयपुर । उदयपुरको उदयपुरको ताप्ली गाउँपालिका ४ ठानागाउँ स्थित लखनडाँडाका मोहन मगरातीको घरमा आगलागी हुँदा ४ लाख बराबरको क्षति भएको छ ।
आइतबार राति करिव ८ बजेको समयमा मगरातीको ढुंगा, माटोले बनेको फुसको छानो भएको २ तले घरमा चुल्होबाट आगलागी भई ४ लाख बराबरको क्षति भएको छ । आगलागीबाट घर भित्र रहेका अन्नपात, लत्ताकपडा, भाँडा वर्तन जलेर नष्ट भएको छ ।
यस्तै अग्नी पिडितलाई पिडितलाई सोही गाउँपालिकाका अध्यक्ष उद्धब सिंह थापा, उपाध्यक्ष कमल माया राई, वडा अध्यक्ष चित्र मगर र सहास नेपाल सहितको टोलीले घरमै गएर राहत उपलब्ध गराएको छ । राहत स्वरुप नेपालीलाइ कम्बल, तिर्पाल, भाडाकुडा, चामल, चिउरा, चाउचाउ , दाल, चिनी , मसला, बेसार, तेल, साबुन, नुन लगायतका सामाग्री उपलब्ध गराएको स्थानीय शिक्षक मिलन तामाङले जानकारी दिए ।