उदयपुर – सरकारले ‘स्वर्ण विन्दु प्राशन’ (विशेष आयुर्वेदिक औषधि)आजदेखि उदयपुरका एकदेखि पाँच वर्ष मुनिका बालबालिकालाई खुवाउन शुरुवात गरेको छ ।
बालबालिकालाई बौद्धिक क्षमता विकास, सामाजिक तथा मानसिक क्षमता विकास गर्न र रोग प्रतिरोधात्मक क्षमता बढाउन उदयपुरमा शुरुवात गरेको हो । जिल्ला आयुर्वेद स्वास्थ्य केन्द्रका प्रमुख आयुर्वेद चिकित्सक डा. गम्भीर झाले यस केन्द्रबाट पहिलो चरणमा ‘स्वर्ण विन्दु प्राशन’ खुवाउन शुरुवात गरेको बताए । यस अभियानलाइ निरन्तर शुरु गर्ने डा. झाले जानकारी दिए ।
उनका अनुसार एकदेखि दुई वर्षका बालबालिकालाई दुई थोपा र तीनदेखि पाँच वर्ष मुनिका बालबालिकालाई चार थोपा ‘स्वर्ण विन्दु प्राशन’ खुवाउनुपर्ने हुन्छ । स्वर्ण विन्दु प्राशन प्रत्येक महिनाको पुन्य नक्षत्रको दिन मात्रै खुवाइन्छ ।
स्वर्ण विन्दु प्राशन कार्यक्रम शुरुवातको सफलताको शुभकामना प्रमुख अतिथि जिल्ला प्रशासन कार्यालय उदयपुरका प्रमुख मेख बहादुर मग्राती, नेपाल पत्रकार महासंघ उदयपुरका अध्यक्ष भक्ति विलास पोखरेल, जिल्ला आयुर्वेद स्वास्थ्य केन्द्रका संचालक समिति सदस्य मुकुन्द्र प्रसाद ढकाल, आयुर्वेद डा. मनिस कुमार साह लगायतले दिएका थिए ।
