उदयपुर । उदयपुरको सदरमुकाम गाईघाटमा सवारी दुर्घटनामा परी एक बृद्धको मृत्यु भएको छ । गाईघाट बजारस्थित मेन चोकमा अटो र मोटरसाईकल एक आपसमा ठोकिदा त्रियुगा नगरपालिका ११ शान्ति नगर टोलका ८५ वर्षीय पुरोहित शनिबार साँझ ६ः०० बजे कुलप्रसाद भण्डारी घाइते भएका थिए ।
उनको बिराटनगरमा उपचारको क्रममा शनिबार राती १० बजे मृत्यु भएको हो । सप्तरीको कन्चनरुप नगरपालिका १२ का १२ वर्षिय कमल पोखरेलले चलाएको को १९ प ९६४६ नम्बरको मोटरसाईकलमा स.१ ह १६२० नम्बरको अटोले ठक्कर दिएका थिए । मोटर साइकल पछाडी सवार रहेका भण्डारी उछीटिएर अगाडि पछारिएकोले घाइते भएका थिए ।
त्रियुगा नगरपालिकाको गैहरुनबाट चौदण्डीगढी नगरपालिका बेल्टारतर्फ जाँदै गर्दा मोटर साइकललाई ठक्कर दिएका थिए । अटो चालक चौदण्डीगढी नगपालिका ७ का ४२ वर्षीय नरबहादुर कार्कीले चलाएको थियो ।
