उदयपुर । उदयपुरको सदरमुकाम गाईघाटको एक जुत्ता चप्पल र रेडिमेट कपडा पसलमा शुक्रबार राति विद्युत सर्ट भई आगलागी भएको छ । त्रियुगा नगरपालिका ११ गाईघाट स्थित पुरानो तरकारी बजारको दक्षित तर्फ रहेको जीवन भगतको जुत्ता चप्पल र रेडिमेट पसलमा आगलागी भएको हो ।
आगलागीबाट जुत्ता चप्पल र रेडिमेट कपडा पसल पूर्ण रुपमा जलेर नष्ट भएको प्रहरीले जानकारी दिए । पसल संचालक भगतका अनुसार ५० लाख बढीको गोदामको सामान जलेर नष्ट भएको जनाएको छ । उनका अनुसार राति एक्कासी विद्युत सर्ट भई आगलागी भएको थियो ।
यस्तै लक्ष्मी पुजाको दिन उदयपुरगढी गाउँपालिका ७ मा विद्युत सर्ट भई नरिमाया आछामेको किराना पसल जलेर नष्ट भएको प्रहरीले जनाएको छ । किराना पसलका सामान, फ्रिज, पसलका र्याक लगायत जलेर नष्ट भएको छ । अनुमानित ५ लाख बढीको क्षति भएको प्रहरीले जनाएको छ ।
यस्तै लक्ष्मी पुजाको दिन राति १२ः३० बजेको समयमा त्रियुगा नगरपालिका ११ स्थित डिएम गेटमा रहेको ॐ रौतारानी हाउस एण्ड सप्लार्यद्वारा संचालित मोटर साइकलको रिकण्डिशन हाउसमा विद्युत सर्ट भई आगलागी भएको थियो । आगलागीबाट करिव डेढ करोड बढीको क्षति भएको अनुमान गरिएको छ ।
