उदयपुर / उदयपुरको कटारी नगरपालिका वडा नम्बर १ बाट प्रहरीले नाईट्राभेट १० लेखिएको ट्याब्लेट एक सय ९५ थान रहेको १३ पत्ता र डाईलेक्स लेखीएको २९ बोतल लागु औषध बरामत गरेको छ । सोमबार दिउँसो कटारी मिर्चैया सडक खण्डमा प्रहरी चौकी बेलसोतले चेक जाँचका क्रममा उक्त लागुऔषध बरामद गरेको प्रहरीले जानकारी दिएको छ ।
प्रहरी टोलीले कटारी तर्फ आउदै गरेको बा ३४ प ६८४५ नम्बरको मोटरसाईकललाई चेक जाँच गर्ने क्रममा चालक जिल्ला धनुषा नगराईन १ स्थायी घर भई हाल सिन्धुली दुधौली बस्ने ४० वर्षिय निलेन्द्र कुमार कर्णको नागरिकता फेला परेको छ । उनको कालो झोला खान तलासी गर्दा उक्त लागु औषध र नागरिकता फेला पारेको हो । चेकजाँचका क्रममा कर्ण घटनास्थलबाटै भागेर फरार भएको हो । उनको खोजी कार्य भैरहेको र कानुन बमोजिम अनुसन्धान भईरहेको ईलाका प्रहरी कार्यालय कटारीले जनाएको छ ।
