उदयपुर । उदयपुर जिल्ला साइकलिंग संघ र गाईघाट साइकल सिटि नेटवर्कको आयोजनामा कोरा साइकलिंग च्यालेज हुने भएको छ । गाईघाट जलजले मुकुर्ची, सुकौरा, बोक्से र फेरी गाईघाटमै आएर सकिने ५० कि.मि.कोरा साइकलिंग च्यालेज आउने शनिवार हुने उदयपुर जिल्ला साइकलिंग संघका अध्यक्ष जितेन्द्र रोइलाले जानकारी दिनु भयो ।
“बढ्दो प्रदुर्शन, अब्यबस्थित जिबन शैलीलाई मध्य नजर गर्दै जिल्लामा यस्ता गतिबिधि भैरहनु राम्रो हो, साइकल चलाउनु हरेक कोणबाट फाईदाजनक हुने हुदा बेला बेल्लामा हुने यस्ता गतिबिधिले साइकल प्रयोगकर्ता बढ्ने विश्वास गर्न सकिन्छ ।” अध्यक्ष रोइलाले भने ।
कोरोना प्रकोप ले गर्दा यस पटकको कोरा साइकलिंग च्यालेज उदयपुरको तिन ठुला शहरमा हुने र एक समुहमा १५ जना भन्दा बढी सहभागी नहुने गरि गराउने उदयपुर साइकलिंग संघका सचिब शन्तोष गुप्ताले बताए ।
चौदण्डी साइकल सिटिले बेल्टारमा, जिल्ला साइकलिंग संघले गाईघाटमा र कटारी राइडब्रदर्शले कटारीमा स्वास्थ्यको मापदण्डलाई अपनाएर कोरा साइकलिंग च्यालेज सम्पन्न गर्ने साइकिलिगं सचिव गुप्ताले जानकारी दिए ।
