आगलागीबाट सुनुवारको घर खरानी

उदयपुर / उदयपुरको कटारी नगरपालिका–९ सिदुरे बस्ने कुलबहादुर सुनुवारको घर गोठ आगलागीबाट जलेर खरानी भएको छ । सुनुवारको घर गोठमा आगलागी हुँदा २ तले घर जलेर नष्ट हुदा ४ लाख २१ हजार मूल्य बराबरको क्षति भएको प्रहरीले जनाएकोछ ।
सुनुवारको मतान घरको चुल्होमा बालेको आगोबाट अचानक आगलागी हुँदा १ तले मतान घर र ढुंगा माटोले बनेको २ तले घर काठपात जलेर नष्ट भएको हो । सुनुवारको घरमा आगलागी भएको खबर पाउँना साथ खटिएको प्रहरी टोलीले आवश्यक कानूनी प्रकृया पूरा गरेको जिल्ला प्रहरी कार्यालय उदयपुरले जनाएको छ ।