मेयर बसन्त बस्नेत विरुद्ध जयन्तीले हालिन् उच्च अदालतमा मुद्दा

प्रकाशित मिति: शुक्रबार, आश्विन ०७, २०७९    समय: ८:२०:५५

उदयपुर । आफूलाई अपमान जनक हटाईएको भन्दै त्रियुगा नगरपालिकाकी एक कर्मचारी अदालतको ढोका ढकढक्याउन पुगेकी छिन ।
असार ३१ गते राती म्याद नथप्ने निर्णय भएका ५९ जना मध्ये एक त्रियुगा नगरपालिकाका सामी परियोजना प्रमुख जयन्तीकला तामाङले नगरपालिका विरुद्ध उच्च अदालतमा रिट दायर गरेकी हुन ।
सामी परियोजना प्रमुख तामाङले उच्च अदालत विराटनगरमा भदौ ३० गते उत्प्रेषण, परमादेश प्रतिशेध रिट दायर गरेकी हुन । रिटमा आफूलाई मेयर बसन्त बस्नेतले अपमान जनक ढंगबाट हटाएकोले उक्त मेयर बस्नेतको निर्णय बदर गरी नगरपालिकामा स सम्मान पुनःवाहाली गर्न माग गरेकी छिन ।

त्रियुगा नगरपालिका र त्रियुगा नगरपालिकाका मेयर बसन्त कुमार बस्नेत विपक्षी रहेको रिटमा तामाङले परियोजना तर्फका कर्मचारी भएकाले नगरपालिकाको कोषमा समेत व्ययभार नपर्ने हुँदा मेयर बस्नेतले गरेको निर्णय पुर्वाग्राही भएकाले कर्मचारी हटाउने निर्णय विरुद्ध परमादेशको माग गरिएको छ ।

भदौ ३० गते दायर रिटमा भदौ ३१ गते उच्च अदालत विराटनगरका न्यायधिस कृष्ण कमल अधिकारीको एकल इजालसले कारण देखाउ आदेश जारी र अन्तरिम आदेश छलफलमा झिकाउने आदेश दिएको थियो ।

न्यायधिस अधिकारीले त्रियुगा नगरपालिकालाई १५ दिन भित्र कर्मचारी हटाउनुको कारण सहित जवाफ पेस गर्न भनेको छ । मुद्दालाई अग्राधिकारमा राखेर चाँडो फैसला गर्न पनि आदेश गरेको तामाङले बताईन् ।

यस अघि त्रियुगा नगरपालिकाको निष्कासनमा परेका कर्मचारी धनबहादुर मगरले समेत नगरपालिका विरुद्ध उच्च अदालत विराटनगरमा रिट हालेका छन ।

सम्बन्धित समाचार

तपाईको प्रतिक्रिया