उदयपुर । किराँत राई चाम्लिङ अन्तर्गत ‘दिखलीपाछा’को वंशावली सार्वजनिक हुने भएको छ । आफ्ना पूर्खाहरुको इतिहास नालीबेली र बंशको बारेमा पछिल्लो पुस्तालाई जानकारी ताजा बनाउन बंशावली पुस्तक तयार पारी बिमोचन गर्न लागिएको हो ।
‘दिखलीपाछा बंशावली पुस्तक बिमोचन तथा ऐतिहासिक पुनरमिलन कार्यक्रम उदयपुर, सुनसरी, खोटाङ, काठमाडौं र पाँचथरलगायतका बिभिन्न ठाउँमा आयोजना गरिने सचिव चुडामण्ी राईले जानकारी दिए । जसअन्तर्गत उदयपुर सदरमुकाम गाईघाटस्थित साकेलाथान (साकेला भवन) देखि मंसिर १४ गते बिहान ११ः०० बजे बिमोचन हुनेछ ।
त्यस्तै खोटाङको तावाभन्ज्याङमा मंसिर १९ गते, उदयपुरको बलत्मतास्थित यलम्बर पार्कमा मंसिर १६ गते, सुनसरीको इटहरीस्थित तायारिप्ची किराया भवनमा मंसिर २५ गते बिमोचन तथा पुनरमिलन कार्यक्रम रहनेछ । यसैगरी काठमाडौंको कोटेश्वरस्थित किराया भवनमा मंसिर २८ गते र पाँचथरको सयपत्री युवा समूह क्लव खुर्बुमा मंसिर २२ गते बिमोचन तथा पुनरमिलन कार्यक्रम रहने सचिव राईको भनाई छ ।
कुल १६ पुस्ताको गरी ३०० पेजमा समेटिएको बंशावली पुस्तक बिमोचनसँगै सो क्षेत्रमा रहेको ७० वर्षभन्दा माथिका जेष्ठनागरिक, समुदायमा विशिष्ट योगदान पु¥याउने महिला, दिखलीपाछाका शिखर व्यक्तित्वलाई सम्मान गर्ने कार्यक्रम पनि रहेको छ । कार्यक्रममा माननीय रामकुमार राई र कृष्णकुमारी राईले सम्बोधन गर्ने आयोजकले जनाएको छ । त्यस्तै किराँती मिथकमा आधारित बिभिन्न ऐतिहासिक स्थलहरुको अवलोकनका साथै किराँत राई चाम्लिङ समुदायको ऐतिहासिक व्यक्तित्व भूसुरीको तस्वीरसमेत सार्वजनिक गर्नेसमेत आयोजकले कार्यतालिका सार्वजनिक गरेको छ ।
