उदयपुर । त्रियुगा नगरपालिकामा नेकपा एकीकृत समाजवादी र नेकपा माओवादी केन्द्र विचको गठबन्धनका उम्मेदवारहरु यतिबेला घरदैलो अभियानबाट मतदाता भेट्ने र मतदातासँग अन्तरक्रिया गर्ने अभियानलाई तिव्रता दिएका छन् । अभियान अन्तर्गत नेकपा एकीकृत समाजवादीका पोलिट व्यूरो सदस्य तथा प्रदेश नं. १ का अध्यक्ष तथा त्रियुगा नगरपालिकाको मेयरका उम्मेदबार बलदेव चौधरीले पाँच दलिय गठबन्धनले देश विकासको भारी वोक्न तयार रहेको वताए ।
विहिबार त्रियुगा नगरपालिका १६ सुखौरामा चुनावी सभालाई सम्बोधन गर्दै चौधरीले संयुक्त गठबन्धनमा मेयरमा कलम र उपमेयरमा हसिया हथौडालाई मत दिई काम गराउन मतको भारी वोकाउन आग्रह गरेका थिए ।
देश र जनता रहे मात्र पार्टी रहने भन्दै केपी ओलीको कारण नेकपाको दुई तिहाइको सरकारलाई समय अगावै संसद कु गरेको प्रति सारा नेपाली जनता एक जुट भएर लडेकोले अहिले देशलाई माया गर्ने र देश वर्वाद पार्ने बीचको लडाई चलिरहेको समेत बताए ।
नेकपा एसले जनता र राष्ट्रियता लागि चुनावी मैदानमा रहेको र अव हुने चुनावमा त्रियुगामा संयुक्त गठबन्धनका उम्मेदबारलाई अत्यधिक मतका साथ बिजयी बनाउन आग्रह गरेका थिए । त्रियुगा नगरबासीले बोकाएको भारी जुनसुकै हालतमा पुरा गर्ने मेयरका उम्मेदबार चौधरीले बताए ।
प्रचार कार्यक्रममा बोल्दै मेयर उम्मेदवार वलदेव चौधरीले चुनावको वेला अन्य पार्टीले उठाएका विगतको कुराहरुको पछि नलाग्न आग्रह गरे । उनले चुनावलाई प्रभावित पार्न बिभिन्न पार्टीका नेता कार्यकर्ताहरुले राम्रै कामलाई पनि खराव बनाएर भाँड्ने गरेको जनाए । आफु पूर्व मेयर समेत रहेकाले ५ बर्षका कार्याकालमा कुनै पनि वडाहरुलाई बिभेद नगरी नगरबाट बजेट वितरण गरेको र योजनाहरुलाई समान्तर बनाएको जनाए ।
नगरमा ठुलो योजनाहरु ल्याउँन खोज्दा त्यस्ता व्यक्तिहरुले हावा भनिरहेको भन्दै तर त्यो कामहरुको प्रक्रिया तयारी सँगै बजेट समेत पास भैसकेको जनाए । चौधरीले भने, “रिंगरोटको कुरा गर्दा अझै पनि मान्छेहरु पत्याउँदैन् तर त्यसकाल लागि बजेट पनि पास भैसकेको छ ।” करमगाछी – बावरी– बेल्दोवान– जाँते– सिद्रै – हुँदै सुकौरालाई जोडेर रिंग्रोड पुरा गर्ने जनाए । उनले तत्कालै त्रियुगा नगरलाई उपमाहानगर पालिकाको रुपमा परिणत गर्ने समेत जनाए ।
त्रियुगा नगरपालिका १६ नं वडा वातावरणीय, उद्योग र उत्पादनको राम्रो एरिया भएकाले यसलाई त्यहि अनुसारको विकास गर्न पनि आफुले मेयर पदको उम्मेदवारी पून ः दिएको जनाएको छ । चौधरीले त्यस वडामा शिक्षा, स्वास्थ्य खानेपानी, उद्योग, सडक, कृषि, युवाहरुलाई रोजगार र पर्यटन लगायतको विकासलाई अगाडी बढाउने प्रतिबद्धता समेत दिएको छ ।
यस्तै उपमेयर पदकी उम्मेदवार गिता खड्काले राष्ट्रिय आवश्यकताको एक रुप रहेको गठबन्धनलाई सबैले भोट दिएर त्रियुगाको विकासमा सहज र सहोग पुराउन १६ नं वडावासीहरुलाई अपिल गरेकी छिन् । खड्काले विकासका विद्रोहीहरुलाई भोट हालेर गल्ती नगर्न पनि सुझाईन् । कांग्रेस एमालेले जनतालाई सँधै ठग्ने र डाँट्ने बाहेक कुनै काम गर्न नसक्ने र सपनामा मात्र जनतालाई सँधै भुलाई रहने हृुँदा त्यस्तालाई नगरेको नेतृत्वमा नपुराउन समेत आग्रह गरिन् उनले गठबन्धनको सबै उम्मेदवारहरुलाई महत्वपूर्ण मत दिएर नगर तथा वडाको नेतृत्व शुनिश्चित गर्न वडावासीहरुलाइ आग्रह गरिन् ।
गठबन्धनका चुनाव प्रचार संयोजक किरण राईले नगरको विकासमा सक्षम प्रतिनिधि छान्ने अधिकार जनताहरुको रहेको जनाएको छ । उनले नगर विकासको लागि विकास प्रेमी प्रतिनिधि छान्न भन्दै एमाले र कांग्रेसलाई कुनै हिसावले भोट हाल्न नहुने जनाएको छ ।
हिजो देश बिगार्न लागेको प्रतिगामीहरुलाई भोट हाले जनतालाई खाडलमा हाल्ने राईले जनाए । ओली सरकारले आफ्नो र आसेपासेको स्वार्थको निम्ति देश र जनताको नियम विपरित गरिएको संसद विघठनलाई पुनस्थापित गर्ने गठबन्धन रहेकाले गठबन्धने मात्र विकास र जनतालाई साथ दिने भन्दै अन्य पार्टीलाई मत नदिन समेत आग्रह गरे ।
त्यस्तै वडाअध्यक्ष उम्मेदवार मान वहादुर राईले वडावासीहरु प्रति धन्यवाद व्यक्त गरे । उनले वडामा भएको विकासलाई नजिक बाट जनताले हेरेर जनप्रतिनिधिको महसुस गर्दै आफुलाई पुन अध्यक्षमा उठ्न अनुरोध गर्ने वडावासीहरु प्रति राईले धन्यवाद र सहानुभुति व्यक्त गरे । राईले आफुले गर्न सक्ने काम वाहेक जनतालाई सपना नबाँडेको र बोलेको कुराहरु पुरा गर्दै जनाताहरुको प्रिय जनप्रतिनिधि बन्न पाएकोमा आफुलाई भाग्यमानी ठानेको जनाए ।
त्रियुगा नगरपालिका १६ नं वडा सहित गठबन्धनको उम्मेदवारहरुले त्रियुगा नगरपालिकाको सबै वडाहरुमा आफ्नो चुनावी प्रचार सम्पन्न गरेको छ । चुनावी प्रचारको क्रममा गठबन्धनको पक्षलाई समर्थन गर्दै कांग्रेस, एमाले लगायतका पार्टी परित्याग गरी माओवादी र एकीकृत समाजवादीमा प्रवेशको गर्ने हरुलाई भव्य पार्टी प्रवेश समेत गराईएको छ ।
