उदयपुर । व्यापक जनलहरसहित त्रियुगा नगरपालिकामा नेकपा एकीकृत समाजवादी र नेकपा माओवादी केन्द्रको गठबन्धनको चुनावी प्रचारलाई ‘आक्रामक’ बनाएको छ । स्थानीय तहको निर्वाचन नजिकिँएसँगै त्रियुगाका सबै वडामा गठबन्धनका उम्मेदवारहरु ‘आक्रामक’ प्रचारसहित घरदैलो अभिायनमा निस्किएका छन् ।
नेकपा एसले निवर्तमान मेयर बलदेव चौधरी र नेकपा माओवादी केन्द्रले गीता खड्का कार्कीलाई उपमेयरको उम्मेदवार बनाएको छ । त्रियुगा नगरपालिकाको समग्र विकासका योजनाकार र विकासप्रेमी नेता भएकै कारण चौधरीलाई पुनः उम्मेदवार बनाएको छ भने लामो समयदेखि महिला आन्दोलनमा सक्रिय तथा २०७४ सालको स्थानीय तहको चुनावमा उमपेयरका उम्मेदबार पुनः अहिले पनि उपमेयरमा उम्मदेबार दिएकी गीता खड्का कार्की परिचित नाम हुन् ।
विकासप्रेमी नेता भएकै कारण त्रियुगा नगरपालिकामा नेकपा एसको उम्मेदवारको विकल्प नभएको स्थानीय मतदाताहरु बताउँछन् । त्रियुगामा नेकपा एसका मेयरका उम्मेदबार चौधरीले गत चार वर्ष सात महिनामा नगरपालिकामा गरेका समग्र कामहरुको समिक्षासहित प्रचार अभियानलाई तीव्र र आक्रामक बनाउँदै घरदैलो अभियान चलाइरहेका छन् । घरदैलो कार्यक्रममा मेयरका उम्मेदवार बलदेव चौधरीले केही योजनाहरु अधुरै रहेकाले ती योजनाहरुलाई सम्पन्न गरेर त्रियुगालाई नमुना नगरपालिका बनाउन पुनः उम्मेदवारी दिएको बताउनु भयो ।
उहाँले समृद्ध नगरपालिका बनाउनकै लागि नेकपा एससँग धेरै योजना रहेकोले नेकपा एसलाई कलम चिन्हमा मतदान गरि त्रियुगाका जनताले चाहेजस्तो समृद्धिको सपना पुरा हुने बताउनु भयो । त्रियुगामा नेकपा एस र माओवादीका उम्मेदवारहरू आफ्ना पार्टीका एजेण्डासँगै गाउँ ठाउँ अनुसारका समस्याहरूको समाधानका लागि विश्वास दिलाउँदै प्रचारप्रसार गरिरहेका छन् । गठबन्धनले प्रचार प्रसारलाई तिव्रता दिइएको छ ।
राजनीतिक दलहरु यति बेला कसैले मतदातालाई आफु तिर तान्नका लागि घर दैलो अभियान शुरु गरेको छ । निर्वाचन यहि आउँदो बैशाख ३० गते हुने भएपछि दलहरु चुनावी कार्यक्रम लिएर गाउँ पस्न थालेका छन् । प्रमुख दलले निर्वाचन सम्पर्क कार्यालय स्थापना गरी निर्वाचन परिचालनलाई अघि बढाएका हुन् ।
सुरुका चरणमा गठबन्धनले सबै वडाहरुमा टोल कमिटी गठन गरिसकेका छन । नगर भेलाको पनि आयोजना गर्ने तयारीमा गठबन्धनका दलहरुले । नेकपा एस र माओावदीका सबै संयन्त्र निर्वाचनमा खटिएका छन् । भ्रातृ तथा शुभेच्छुक संघ–संगठनलाई नेकपा एस र माओवादीले निर्वाचन अभियानमा परिचालन गर्ने कामलाई अगाडी बढाएको छ । गठबन्धनका उम्मेदबारहरुले मतदाताको घरदैलो मै पुगेर मत माग्ने, उम्मेदवार र दलको प्रचार गर्ने, प्रतिबद्धता जनाउने, पार्टीका नीति, कार्यक्रम र योजना बारे बताउने गरेका छन् ।
गठबन्धनबाट मेयरका उम्मेदबार बलदेव चौधरी र उपमेयरका उम्मेदवार गीता खड्का कार्की सहितको टोलीले विहिबारबाट त्रियुगा नगरपालिका–१ र २, शुक्रबार त्रियुगा नगरपालिका ३ र ४, शनिबार त्रियुगा नगरपालिका ५ र ६, आइतबार त्रियुगा नगरपालिका ७ र ८ को घर दैलो कार्यक्रममा व्यस्त भएका थिए । आगमाी कार्यक्रम पनि प्रत्येक दिन २ वटा वडामा घर दैलो तथा वडा सभाको कार्यक्रम रहेको गठबन्धनका प्रचार कमिटिले जनाएको छ । सोमबारको कार्यक्रम वडा नं. ९ र १० को वडामा घर दैलो तथा प्रचार प्रचारको कार्यक्रम रहेको छ ।
