उदयपुर । विश्वशान्तिको कामना गर्दै प्रत्येक बर्ष मनाइने बुद्धजयन्ति यसबर्ष कोरोना भाइरसको लडाईमा नेपाली जनताको जित हुने विश्वासकासाथ बिहीबार दिपप्रज्वलन गरी मनाइएको छ । 
सबै धर्मालम्बि र जातजातीको संयुक्त स्थल त्रियुगा शान्तिधाममा दिपप्रज्वलन गर्न पुगेका सर्वसाधरणले कोरोना भाईरसको लडाईमा जनताको जित सुनिश्चिताको माग गरे । संयुक्तरुपमा दिपप्रज्वलन गरेका प्रदेस सांसद बिमल कार्की र त्रियुगा नगरपालिकाका मेयर बलदेव चौधरीले कोरोना भाईरसले विश्वआक्रान्त भईरहेको बेला आम नेपाली जनताले यसलाई सहजैरुपले जित हासिल गर्न भगवान गौतम बुद्धले आशिर्वाद दिने विश्वास व्यक्त गरे ।
यसबर्षको २५६४ औं बुद्धजयन्तीमा सरकारले कोरोना भाईरसको लडाईमा रहेका स्वास्थ्यकर्मी, सुरक्षाकर्मी लगायतकाहरुको आत्मवल बनाउन साँझ दिपप्रज्वलन गर्ने निर्णयअनुरुप सर्वसाधरणले चौक, घर, मठमन्दिरमा साँझ दिपप्रज्वलन गरेका थिए ।
