राजेन्द्र महतो, लहान । सिरहा को लहान न. पा.- २२ राजदेवी चौक नजिक रहेको एक पेट्रोल पम्पमा कमिसन लेनदेन गरिरहेको बेला बुधबार ५ लाख कमिसनको रकम सहित एक मेयरका छोरा लगायत दुईजनालाई अख्तियारले रङ्गेहात पक्राउ गरेको छ । गोप्य सुचनाको आधारमा अख्तियार दुरुपयोग अनुसन्धान आयोग बर्दिबासबाट खटिएको टोलीले लहान २२ को राजदेवी चौक नजिक रहेको एक पेट्रोल पम्पमा कमिसन लेनदेन गरिरहेकै बेला सिरहा कल्याणपुर नगरपालिकाका मेयर सुर्यनाथ मण्डलका छोरा सन्त मण्डल र जितेन्द्र महतो पक्राउ परेका हुन । कल्याणपुर न. पाका मेयर मण्डलले डिपिआर गरेको भुक्तानी दिन सेवाग्राही संग रु. ५ लाख घुस मागी आफ्नो छोरा सन्त मण्डललाई लहानको राजदेवी चोकमा पठाएको अख्तियार टोलीले बताएका छन।
