उदयपुर / उदयपुरमा विहिबार राति ट्रयाक्टर दुर्घटनामा दुई जनाको मृत्यु भएकोे छ भने आठ जना घाइते भएको छ । जिल्लाको लिम्चुङबुङ गाँउपालिका ४ बलम्तामा गएराति ट्रयाक्टर दुर्घटनामा परी सोही वडाका चालक २२ वर्षिय सुविन राई र स्थानीय २४ वर्षे पवन राईको दुर्घटनमा परी मृत्यु भएको छ । लिम्चुङबुङ ३ दोबाटेबाट पिकनिक खाएर फर्कने क्रममा स १ त ७३२३ नम्बरको ट्रयाक्टर अनियन्त्रित भैई २ सय मिटर तल खसेको प्रहरीले जनाएको छ ।
ट्रयाक्टरमा सवार सोही वडाका ३१ वर्षिय बिषु राई, १२ वर्षिय सोनिक राई, १७ वर्षिय मनिषा राई, २१ वर्षिय गुनु राई, २४ वर्षिय पुनम राई, २७ वर्षिय लबिप राई, १३ वर्षिय पूजा राई र १७ वर्षिय टुसार राई भएका छन् । उनीहरुको जिल्ला अस्पताल गाईघाटमा उपचार भैरहेको छ । दुर्घटना स्थल सदरमुकाम गाईघाटबाट ७५ किलोमिटर विकट क्षेत्रमा पर्दछ ।
