उदयपुर / लोकतान्त्रिक समाजबादी पार्टी उदयपुरका अध्यक्ष खुशीलाल ठाकुरले पार्टी परित्याग गर्दै नेकपा एकीकृत समाजबादी पार्टी प्रवेश गरेका छ्न ।
गाईघाटमा शुक्रबार आयोजित नेकपा एकीकृत समाजवादीको सन्देश सभामा पार्टी अध्यक्ष माधब नेपालको उपस्थितिमा उनि पार्टी छोडेर समाजबादी प्रवेश गरेका हुन् । ठाकुर लोकतान्त्रिक समाजबादीमा आबद्ध हुनु अघि नेपाली काँग्रेसका कार्यकर्ता थिए ।
२०३२ सालमा नेपाल विद्यार्थी संघमा आबद्ध हुदै ठाकुर काँग्रेस कार्यकर्ता बनेका थिए । लामो समय देखि चिकित्सा पेसामा रहेका ठाकुर नेपाली काँग्रेस फर्किने तयारीमा रहेको भए पनि काँग्रेसले बेवास्ता गरेको कारण उनि एकीकृत समाजबादीमा प्रवेश गरेको उनि निकट केहि कार्यकर्ताहरुले बताए । ठाकुरसंगै ४० साल पुराना काँग्रेस नेता तथा त्रियुगा माध्यमिक विद्यालयका गाईघाटका पुर्ब प्रअ सत्यनारायण झा, बाबुराम भट्टराईको पार्टीको केन्द्रिय सदस्य तथा त्रियुगा नगरपालिकाका उपमेयरका उम्मेदबार विनोद कुमार चौधरी, सोही पार्टीमा आबद्ध पुराना राजनीतिज्ञ बिश्वनाथ साह एकीकृत समाजबादी प्रवेश गरेका छ्न ।
नेकपा एकीकृत समाजबादीका केन्द्रिय सचिव बलदेव चौधरीले सन्देश सभामा झन्डै ६ सय जनाले पार्टी प्रवेश गरेको बताए ।
उनले एमाले, काँग्रेस , माओवादी लगायत विभिन्न पार्टी परित्याग गरि पार्टी प्रवेश गरेको जानकारी दिए । पार्टी प्रवेशमा सवै त्रियुगा नगरपालिका र उदयपुरका नेकपा एमालेबाट बढी नेता कार्यकर्ता समाजवादीमा प्रवेश गरेका थिए । पार्टी प्रवेश गराउन झण्डै एक घण्टा बढी समय लागेको थियो ।
सन्देश सभालाई सम्बोधन गर्दै नेकपा एकीकृत समाजवादीका अध्यक्ष तथा पूर्व प्रधानमन्त्री माधव नेपालले केपी ओलीले संसद विघठन गतल थियो भनेर जव सम्म स्वीकार गर्दैन तवसम्म पार्टी एकीकरणको बारे सोच्न नसकिने बताए ।
उनले नेकपा एसका नेताहरु एमालेमा जाँदै छन् भनेर हल्लाको पछि नलाग्न आग्रह गरे । उनले नेकपा एमालेका कामै हल्ला गर्ने भए नभएको हल्ला गरेर अरुलाई बहकाउमा पार्ने, विभिन्न प्रलोभन देखाएर पार्टी उ आयो त्यो आउँदैछ जस्ता विभिन्न अफवाह फैलाउन बन्द गर्न अनुरोध गरे । उनले समाजवादी होइन एमाले सकिन्न लागेकोले त्यो पनि पार्टी बचोस, नेताको बुद्धि फिरियोस, अरुको होइन आफ्नो चिन्ता लिन उनले आग्रह गरे । उनले नेकपा माओवादीसँग पनि पार्टी एकीकरण हुन नसक्ने समेत बताए । अध्यक्ष नेपालले देशलाई अघि बढाउने सिलसिलामा सबै लोकतान्त्रिक र वामपन्थी शक्तिलाई एकठाउँमा ल्याएर अघि बढाउन तयार रहेको बताए । उनले सिद्धान्त, विचार, भावना मिलेको खण्डमा सबैलाई समेटेर, सहकार्यका लागि वाम मोर्चा बनाएर अघि बढ्ने बताए । उनले भने, ‘काम गर्दै गर्दा, सबै कुरा मिलेको खण्डमा आफूहरू काँचो एकता नभई परिपक्क एकता गर्न तयार छौँ।’
नेकपा (एकीकृत समाजवादी)का अध्यक्ष माधवकुमार नेपालले संविधान संशोधन सबै जनताको चासोको विषय भएकाले दुई तिहाई बहुमतको दम्भ नदेखाउन आग्रह गरेका छन्। पार्टी जिल्ला कमिटी उदयपुरले शुक्रबार सदरमुकाम गाईघाटमा आयोजना गरेको सन्देशसभामा बोल्दै उनले संविधानलाई आफ्नो पेवा ठानेर संशोधनलाई हलुका नठान्न सत्तारुढ दललाई चेतावनी दिएका हुन्।
उनले भने,‘हामीसँग दुई तिहाई छ भन्ने ठानेर संशोधन गरिहालौला सानो पार्टीलाई समाप्त पारिदिउँला, ठूलाको वर्चस्व कायम राखौंला भनेर एमाले त्यो बाटोमा हिँडेको छ, यस्तो अवस्थामा नेपाली काँग्रेसले सजकता अपनाउनु पर्नेछ, सोच्नुपर्दछ।’
‘संविधान संशोधनका लागि दुई ठूला पार्टीका नेता राति गोप्य सम्झौता गर्छन्।’ पूर्वप्रधानमन्त्री नेपालले भने,‘यो गोप्य सम्झौता मानिने छैन्,यो जनताको चासोको विषय भएकाले यहाँका नागरिक समाज, राजनीतिक दल, आम जनतासँग छलफल गर्नुपर्छ ।’
पुर्वप्रधानमन्त्रीसमेत रहेका नेपालले यो देशको अर्थतन्त्र मुनाफा केन्द्रित नभई जनता केन्द्रित र प्रकृतिप्रेमी हुनु पर्ने बताए । उनले पानीबाट बिजुली उत्पादन गरी भारत, बंगलादेश, चीनमा बिक्री गर्नुपर्ने बताए। ‘देश सम्पन्न भयो भने मात्र कसैले हेप्दैनन्,’ नेता नेपालले भने, ‘सधैं गरिब, सधैं सहयोग माग्नु पर्ने भएकाले हेपाईमा परेका छौँ, तसर्थ जनतादेखि नेता सबै सच्चिएर इमान्दारिताका साथ देश विकासमा लाग्नु पर्छ ।’
