उदयपुर । उदयपुर सिमेन्ट उधोगको किल बोकेर ल्याउँदै गरेको भारतीय ट्रेलर चुरे जंगलमा दुर्घटना भएको छ ।
भारतको कलकत्ताबाट २ वटा सेल “किल” बोकेर आउदै गरेको CG07AA9207 नम्बरको ट्रेलर कदमाहा– गाईघाट सडक खण्डको चुरे जंगलको मोडमा दुर्घटना भएको प्रहरीले जनाएको छ ।
एक मोटर साइकललाई साइड दिने क्रममा सो ट्रेलर सडक छेउमा पुग्दा भासिएर दुर्घटना भएको प्रहरीले जनाएको छ । ट्रेलरमा लोड गरिएको दुई थान किल सडकमा झरेर भाचिएको तर कुनै मानवीय क्षति नभएको प्रहरीले जनाएको छ ।
भारतको कलकत्ताबाट आएको उक्त ट्रेलर प्रहरीले दुई दिन देखि लालपत्तामा रोकेर राखेको थियो । दुई वटा ट्रेलर मध्ये विहिबार १ थान किल मिल आएको र अर्को दुई थान आउने क्रममा शुक्रबार ९ः३० बजे दुर्घटना भएको थियो । करिव ६ करोड मुल्य बराबरको उक्त किल टेन्डर मार्फत काठमाडौ स्थित टेक्निकल सोलुसन प्रा.लि.ले उद्योगको लागि भारतबाट खरिद गरि ल्याएको थियो ।
