गाईघाट । त्रियुगा नगरपालिकाले नगर युवा तथा खेलकुद विकास समिति पुर्नगठन गरेको छ । त्रियुगा नगरपालिकाको पुस १९ गते बसेको कार्यपालिकाको बैठकले प्रदिप श्रेष्ठलाई पुन नगर युवा तथा खेलकुद विकास समितिको नेतृत्वमा ल्याउदै समिति पुर्नगठन गरेको हो ।
कार्यपालिकाको बैठकको निर्णयानुसार पुर्नगठन गरिएको समितिमा अध्यक्ष श्रेष्ठ र कोषाध्य सन्तोषी चौधरी कायम छन भने उपाध्यक्ष, सचिव र सहसचिवमा नयाँ अनुहार भित्रिएका छन ।
त्रियुगा नगरपालिकाका सूचना अधिकारी विश्वजित राईका अनुसार नया समितिको उपाध्यक्षमा जलजलेका निरबहादुर कार्की, सचिवमा आसन दाहाल र सहसचिवमा राजेन्द्र राई नियुक्त भएका हुन ।
नगर कार्यापालिकाले नयाँ समितिको म्याद नियुक्ती पाएको दिन देखि तिन बर्ष सम्म हुने उल्लेख तोकेको छ ।
नगर खेलकुदमा अहिले पाँच जना मात्र निर्णय भएको छ, चाडै नै वडा वडाबाट समेत प्रतिनिधी राख्ने गरि समितिलाई पुर्णता दिईने अध्यक्ष श्रेष्ठले बताए । नगरपालिकाका पदाधिकारी र नगर खेलकुदका पदाधिकारीहरुको बैठक बसेर सदस्यहरुको बारेमा टुङ्गो लगाउने तयारी रहेको श्रेष्ठको भनाई छ ।
