उदयपुर । विगत लामो समयदेखि एल जी का सामानको विशेषताको साथ साथै चलाउने तरिका सिकाउने उद्देश्यले संचालन भई रहेको एलजीको रोड शो कार्यक्रम आइतबार गाईघाट स्थित जगदिश इलेक्ट्रोनिक्समा सम्पन्न भएको थियो ।
रोड शो कार्यक्रममा एल जी प्रोडक्टको बारेमा जानकारी गराउनुको साथ साथै वासिङ्ग मेसिनको प्रत्यक्ष डेमो पनि राखिएका सिजी इलेक्ट्रोनिक्सका तर्फबाट कार्यक्रम संयोजक भोगेन्द्र चौधरीले जानकारी दिए । उनका अनुसार गुणस्तरीय तथा किफायती ब्राण्डको नामले परिचित एल जी का सामान निकै नै किफायती, भरपर्दो रहेको बताए । सो रोड शो कार्यक्रमबाट एल जी का टिभी, फ्रिज, रेफ्रिजेनेरटर (फ्रिज), एसी, वासिङ्ग मेसिन, साउण्ड सिस्टम जस्ता प्रोडक्ट र त्यसको विशेषताहरुको बारेमा जानकारी गराएका थिए ।
साथै एल जी कम्पनीका नेपाल भर चलाएको एसीको सर्भिस क्याम्पको साथ साथै आकर्षक छुट (रेड फेयर योजना) को बारेमा पनि चर्चा गरिएको थियो । कार्यक्रममा आकर्षक छुट पनि राखिएको थियो र गिफ्टको पनि व्यवस्था राखिएको थियो । यस्ता कार्यक्रमबाट दर्शकहरु निकै नै खुशी देखिएको थियो भने एल जी का सामानका माग बढ्दै गएको कार्यक्रम संयोजक चौधरीले जानकारी दिए ।
सिजी इलेक्ट्रोनिक्स अन्तर्गत एल जी ले प्रदेश नं. १ का प्रमुख शहरहरु काकडभिट्टा, दमक, विराटनगर, धरान, इटहरी लगायत गाईघाटमा पनि रोड सो कार्यक्रम गरेको कार्यक्रम संयोजक भोगेन्द्र चौधरीले बताए । उनका अनुसार एल जी को रोड शो कार्यक्रम २ नं. प्रदेश अन्र्तगतका प्रमुख शहरहरुमा पनि गरिने कार्यक्रम संयोजक चौधरीले जानकारी दिए ।
