उदयपुर । उदयपुरको उदयपुरगढी गाउँपालिकाले आगामी बर्षको लागि ६८ करोड ४० लाख ५ हजार १ सय रुपैयाको बजेट सार्वजनिक गरेको छ ।
गाउँपालिका उपप्रमुख जीतबहादुर खड्काले मंगलबार गाउँपालिकाको १९ औं गाउँपालिकाको गाउँ सभामा आगामी आर्थिक वर्षको बजेट सार्वजनिक गरेका छन् ।
नीति तथा बजेट सार्वजनिक कार्यक्रममा खड्काले चालु तर्फ ४१ करोड ४९ लाख ८५ हजार ८६४ रुपैया र पुँजीगत तर्फ २६ करोड ९० लाख १९ हजार १६७ रुपैया बिनियोजित गरिएको बताए ।
गाउँपालिकाका अध्यक्ष मानबहादुर केप्छाकी मगरले बजेटमा भौतिक पुर्बधार र खानेपानीमा बढी महत्त्व दिइएको बताए । गाउँपालिकामा सडक बाटो र स्थानियलाई पिउने पानीको समस्या रहेकोेले उक्त क्षेत्रमा बढी बजेट बिनियोजित गरिएको उनले बताए ।
