कटारी – नेकपा एमाले कटारी नगरपालिका ११ सोरुङछविसेमा वडा कमिटी अध्यक्ष सहित चार दर्जनले पार्टी परित्याग गरेको छ । विहिबार गठबन्धनको कार्यक्रममा एमाले वडा कमिटी अध्यक्ष संजिव बस्नेत सहित चार जनाले पार्टी परित्याग गरेका हुन् ।
संजिव बस्नेत सहित तीन जना नेकपा माओवादी केन्द्र र एक जना नेपाली काँग्रेसमा प्रवेश गरेका हुन् । लोकतान्त्रिक बाम गठबन्धनको चुनावी सभामा उनीहरु एमाले परित्याग गरेका हुन् । उनीहरुलाई गठबन्धनका नेताहरुले बधाई तथा अविर मालाले स्वागत गरेको नेकपा माओवादी केन्द्रका जिल्ला अध्यक्ष विनोद कटुवाल दिवसले जानकारी दिए ।
कार्यक्रममा नेपाली काँग्रेसका केन्द्रीय सदस्य नारायण कार्की, नेकपा एकीकृत समाजवादीका उपमहासचिव तथा प्रतिनिधि सभाका उम्मेदबार जगनाथ खतिवडा, प्रदेश सभाका उम्मेदबार रामकुमार खत्री, समानुपातिक उम्मेदबार मिरा कटुवाल, नेकपा एकीकृत समाजवादीका केन्द्रीय सदस्य तथा जिल्ला अध्यक्ष राममणि पोखरेल, नेकपा माओवादी केन्द्रका नेता मोहन खत्री, कृष्ण प्रदास बराल (केपी बराल), जिल्ला अध्यक्ष विनोद कटुवाल लगायतको उपस्थिति रहेको थियो । कार्यक्रममा गठबन्धन दलका नेता कार्यकर्ताहरुको बाक्लो उपस्थिति रहेको थियो ।
