उदयपुर – नेकपा एमालेका आधा दर्जन बढी कार्यकर्ताले नेकपा माओवादी केन्द्र रोजेका छन् । कटारी नगरपालिका ६ मा गठबन्धनको चुनावी सभामा एमाले परित्याग गरि माओवादी रोजेका हुन् ।
एमाले परित्याग गर्नेहरुमा तविलाल सार्की, खबी बहादुर सार्की, उद्धव बहादुर सार्की, मिन बहादुर सार्की, कमल बहादुर सार्की, निर बहादुर राई र ज्ञान कुमार सार्की रहेका छन् ।
उनीहरुलाई नेकपा माओवादीका नेता तथा संविधान सभा सदस्य मोहन खत्री, जिल्ला अध्यक्ष विनोक कटुवाल दिवसले अविरमाला लगाएर स्वागत गरेका हुन् । चुनावी सभामै नवप्रवेशीहरुलाई नेकपा एकीकृत समाजवादीका उपमहासचिव जगनाथ खतिवडाले बधाई दिएका थिए ।
