गाईघाट । उदयपुरको त्रियुगा र चौदण्डीगढी नगरपालिकामा आज (शनिबार) विद्युत अवरुद्ध हुने भएको छ । नेपाल विद्युत प्राधिकरण उदयपुर वितरण केन्द्रले शुक्रबार एक सूचना प्रकाशित गरी आज (शनिबार) विहान ७ बजेबाट बेलुका ५ बजेसम्म विद्युत अवरुद्ध हुने जानकारी गराएको छ ।
जलजले सब स्टेशनदेखि गाईघाट बजार हुँदै पोर्ताहासम्म पहिलो चरण र जलजले सब स्टेशन देखि भुल्के हुँदै जोगिदहसम्म दोस्रो चरणमा ११ के.भी. प्रसारण लाइनमा परेका हाँगा विँगा काट्ने काम भएकोले विद्युत सेवा अवरुद्ध हुने नेपाल विद्युत प्राधिकरण उदयपुर वितरण केन्द्र प्रमुख पंकज कुमार गोइतले जानकारी दिए ।
विहान ७ बजेदेखि दिउँसो १ बजेसम्म जलजले सब स्टेशनदेखि कुमारी चौक, देउरी, ढल्केबर, बगहा, मोतिगडा, गाईघाट बजार, बोक्से र पोर्ताहासम्म पहिलो चरणमा अवरुद्ध हुने केन्द्र प्रमुख गोइतले जानकारी दिए । दिउँसो १ बजेदेखि बेलुका ५ बजेसम्म जलजले सब स्टेशन देखि भुल्के हुँदै मिलन चोक, खैजनपुर, मोथियाही, जोगिदह र हडियासम्मका विद्युत अवरुद्ध हुने केन्द्र प्रमुख गोइतले जानकारी दिए ।
