उदयपुर । नेपाल कम्युनिस्ट पार्टी (नेकपा) प्रचण्ड–नेपाल समूह निकट विद्यार्थी संगठन अनेरास्ववियू उदयपुरले पेट्रोलियम पदार्थमा गरिएको मूल्यवृद्धिको विरोधमा आधा घण्टा चक्का जाम गरेको थियो । उनीहरुले त्रियुगा बहुमखी क्याम्पस गेट अगाडीको गाईघाट कदमहा सडक खण्ड अवरुद्ध गरेर चक्काजाम गरेका हुन् ।
विरोध प्रदर्शनमा अनेरास्ववियूका कार्यकर्ताहरुले मुल्य वृद्धि फिर्ता गर, ’जनतालाई मुल्यव्रिद्धीको मारमा पार्न पाइदैन’ मुल्यवृद्धि हैन भ्रस्टाचारलाई कारबाही गर जस्ता नारा लगाएका थिए ।
विरोध कार्यक्रममा पछिल्लो समय देशमा बढ्दै गएको बलात्कारको घट्नाको विरोधमा समेत अनेरास्ववियूका कार्यकर्ताहरुले बलात्कारीलाई फासीको सजाय माग्दै नारा लगाएका थिए ।
विरोध कार्यक्रमलाई सम्बोधन गर्दै अनेरास्ववियू जिल्ला संयोजक बिमल कार्कीले भ्रष्ट सरकारले जनताको ढाड सेक्ने गरि मुल्यवृद्धी गरेको भन्दै यो फिर्ता नभएसम्म आन्दोलन जारी रहने बताए ।
चक्काजामका क्रममा प्रदर्शनकारीहरुले पेट्रोलियममा गरिएको मूल्य वृद्धि तत्काल फिर्ता गर्न सरकारसँग माग गरेका थिए । उनीहरुले पेट्रोलियममा गरिएको मूल्य वृद्धि विरुद्ध चक्का जाम गर्नु परेको कार्कीले जानकारी दिए ।
सरकारले गत मंगलबार रातिदेखि लागू हुनेगरी पेट्रोलमा प्रतिलिटर २ रुपैयाँ बढाएको छ । नयाँ मूल्यअनुसार पेट्रोल १ सय १४ रुपैयाँ, डिजेलरमट्टीतेल ९७ रुपैयाँ र हवाई इन्धन ६७ रुपैयाँ कायम भएको छ ।
