उदयपुर – उदयपुर निर्वाचन क्षेत्र नं. २ बाट प्रतिनिधि सभा निर्वाचनमा नेकपा एमालेका अमर बहादुर रायमाझी विजयी भएका छन् ।
एमालेका अमर बहादुर रायमाझीले १५ हजार २५१ मत सहित विजयी भएका हुन् ।
उनका निकटम प्रतिष्पर्धी नेकपा एकीकृत समाजवादीका उपमहासचिव तथा उम्मेदबार जगनाथ खतिवडाले १२ हजार ८९३ मत ल्याएका छन् । उनले २ हजार ३५९ मतान्तरले जगनाथ खतिवडालाई पछि पार्दै सहज जित निकालेका हुन् । मुख्य निर्वाचन अधिकृतको कार्यालयको अन्तिम मत परिणाम सार्वजनिक गरेको छ ।
यस्तै नेपाली काँग्रेसका क्षेत्रिय सभापति तथा बागी स्वतन्त्र उम्मेदबार रामकुमार राईले १० हजार ३७९ मत सहित तेस्रो भएका हुन् ।
उदयपुर निर्वाचन क्षेत्र नं. २ मा ४४ हजार ८७५ मत खसेका थियो । यस्तै दुई हजार ७१२ मत बदर भएको छ ।
