उदयपुर / उदयपुरको चौदण्डिगढी नगरपालिका ६ बेल्टार बजारमा आईतबार दिउँसो आगलागी हुँदा २२ लाख बराबरको क्षति भएको छ । स्थानीय सुवास राईको घरमा विद्युत सर्ट भई आगलागी हुँदा घर गोठ जलेर पुर्णरुपमा नष्ट भएको हो ।
विद्युत सर्टबाट आगलागी हुँदा राईको काठको दुई तले घर र सँगै जोडिएको गोठ, सुगुर २ वटा, लत्ताकपडा, धनमालाको साथै नगद रु. २ लाख समेत जलेर नष्ट भएको इलाका प्रहरी कार्यालय बेल्टारका प्रहरी निरीक्षक गंगाप्रसाद पौडेलले बताए । मध्यान्नबाट सुरु भएको आगो त्रियुगा र चौडण्डिगढी नगरपालिकाको दमकल, स्थानीयबासी, प्रहरीको सहयोगमा दुई घण्टापछि नियन्त्रणमा लिईएको उनले बताए ।
