गाईघाट – जनता मावि देउरीका शिक्षक संजिव गिरीले मोटरसाइकल खरिद गर्दा १ किलो चाँदी उपहार जितेका छन् । गिरीले बजाजको पल्सर १५० सिसीको मोटरसाइकल खरिद गरेका थिए । नयाँ वर्षको अफरअन्तर्गत गिरीले १ किलो चाँदी हात पारे । उनले लक्की ड्रमार्फत चाँदी जितेका हुन् ।
भाग्यशाली गिरीलाई बुधबार कालिका अटो लिंक प्रा.लि.का संचालक सुनिल ठाकुरले १ किलो चाँदी हस्तानतरण गरेका छन् । कालिका अटो लिंकबाट उनले मोटरसाइकल खरिद गरेका थिए ।
जनता मावि देउरीमा कार्यरत शिक्षक गिरीले मोटर साइकल किन्दा १ किलो चाँदी जित्ने कल्पना नै नगरेको सुनाए । गिरीले आफुले एक किलो चादी उपहार प्राप्त गरेको खबर सुन्दा सुरुमा पत्यार नलागेको तर पछि शो रुपममै आए पछि भने सुनेको खबर बास्तविकता हुदाँ खुसी भएको बताए ।
बजाज मोटरसाइकलको नेपालका लागि आधिकारिक विक्रेता कम्पनी हंशराज हुलास चन्द एण्ड कम्पनीले नयाँ वर्ष २०८० लक्षित गर्दै नगद छुट, लो डाउन पेमेन्ट, एक्सचेन्जसँगै १ किलो चाँदी जित्ने अफर सार्वजनिक गरेको थियो । २५ जनाले १ किलो चाँदी प्राप्त गर्नेछन् ।
