गाईघाट – स्ट्याण्डर्ड भिजन एकेडेमी मोतिगडाले मंगलबार सामाजिक उत्तरदायित्व अन्र्तगत दुई अग्नी पीडितलाई सहयोग गरेको छ । त्रियुगा नगरपालिका ३ ठाडी बस्ने टिका ठकुरी र चाँप बस्ने राजन कटुवाललाई जनही पाँच हजारका दरले एकेडेमीले चेक हस्तान्तरण गरेको हो । 
आइतबार राति टिका ठकुरीको घरमा विद्युत् सर्ट भई आगलागी हुँदा लत्ता कपडा, अन्नपात र सुन चाँदी र नगद जलेर नष्ट भएको थियो । अग्नी पीडितहरुको घरमै पुगेर स्ट्याण्डर्ड भिजन एकेडेमीका संचालकहरु नवराज सिंह ठकुरी, उत्तम रिजाल र सुखिलाल चौधरीले संयुक्त रुपमा चेक हस्तान्तरण गरेको हो ।
एकेडेमीले यस अघि पनि सामाजिक उत्तरदायित्व निर्वाह जनाउंदै आएको र आगामी दिनहरुमा पनि यसलाई निरन्तरता दिदै जाने एकेडेमी व्यवस्थापक नवराज सिंह ठकुरीले जनाएको छ ।
मंसिर ४ गते अज्ञात समूहले कटुवालको १० कठ्ठाको धानको कुन्यु जलाई दिएका थिए ।
